Ақтөбедегі атыста қаза тапқан әскери қызметкердің артында 4 баласы қалдыКатегория: Новости / Новости Казахстана
Кеше Ақтөбедегі теракт кезінде әскери қызметкер Берік Қалиев қаза тапты деп хабарлайды NUR.KZ тілшісі. Ақтөбедегі 66/55 әскери бөлімінде келісімшарт бойынша жұмыс істейтін Берік Қалиев теракт кезінде ерлікпен қаза тапқан. Бүгінде марқұмның артында жары мен 4 баласы қалды. "Суыт хабарды естіп барғанымызды, бөлемшенің ауласында 3 адамның денесі жатты. Жантүршігерлік жайт... "Берік ерлікпен қаза тапты, ол бөлімшені қорғап қалды" деп бізді жұбатып жатыр. Бүлікшілер әскери бөлімшеге кіріп келіп, адамдарды ойыншық құрлы көрмей қырып тастаған", - дейді марқұмның туысқаны. Берік Қалиевтің Ақтөбеде әскери қызмет атқарғанына 10 жылдан асқан. Ембі қаласындағы түрмеден Ақтөбеге 5 жыл бұрын ауысқан. Ақтөбеде радикалды бағыттағы қылмыстық топпен күресте қаза тапқан Берік Ерланұлы Қалиевтің денесі бүгін Батыс Қазақстан облысы, Жәнібек ауданы, Жақсыбай селосына тікұшақпен жеткізіледі. Туысқанды марқұмды 8 маусым күні жер қойнына тапсыратынын хабарлаған. Еске сала кетейік, 5 маусым күні бүлікшілер 66/55 әскери бөлімінің қақпасын сындырып кіріп, суық қарудан оқ жаудырды. Бүлікшілер бірнеше әскери қызметкерді жаралап, екеуін атып өлтірген. |
Автор: admin
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.