ОҚО-да өзіне берілген параны азсынып, төбелес шығарған әкімнің қызы да шенеунік атандыКатегория: Новости / Новости Казахстана
 ОҚО-да пара алу барысында пара берушінің басынан ұрған экс-әкімнің қызы аудан басшысының орынбасары болып тағайындалды. Бұл туралы NUR.KZ тілшісі хабарлайды. Оңтүстік Қазақстан облысы, Созақ ауданының бұрынғы әкімі Әлібек Бектаевтың қызы Жанар Бектаева Түлкібас ауданы әкімінің орынбасары қызметіне тағайындалды. Жаңа қызметке тағайындалған шенеунік 1982 жылы Жамбыл облысы, Қаратау қаласында дүниеге келген. Еңбек жолын Қ.Ясауи атындағы ХҚТУ –нің Шымкент институтының «Саясаттану» кафедрасында оқытушы болып бастаған. 2006-2016 жылдары ОҚО ішкі саясат департаментінің талдау және мониторинг бөлімінде бас маман, ақпараттық саясат және БАҚ мониторинг бөлімінде жетекші маман, бас маман, бөлім басшысы, ОҚО ішкі саясат басқарма басшысының орынбасары, ОҚО әкімі аппаратының жалпы бөлімінде бас инспектор қызметтерін атқарған. Айта кетейік, Жанар Әлібекқызының әкесі 2007 жылы Созақ ауданын басқарып тұрған шағында салық комитеті қызметкерінен әлеуметтік жағдайы төмен және көпбалалы отбасыларға тиесілі үйлердің бірін жекешелендіріп беремін деп 5 мың АҚШ доллары көлемінде пара сұраған. Параны алу барысында ондағы сомаға көңілі толмаған әкім салық қызметкерінің басынан қолындағы парамен ұрып жіберген. Кейін оңай келген олжаны сейфке салған. Бұл көріністі қаржы полицейлері жасырын камераға түсіріп алып, қылмыстық іс қозғалған болатын. Сот пара алған азаматты 8 жылға қамау туралы шешім шығарды. |
Автор: admin
Мұхтар Құл-Мұхаммед "Нұр Отан" партиясы төрағасының бірінші орынбасары болып тағайындалды
Новости / Новости Казахстана
Маңғыстау облысында оралмандар өздеріне қатысты сауалға әкімнің орынбасары орысша жауап бергенде залдан шығып кетті
Новости / Новости Казахстана
Шымкентте науқасты балағаттап, қабылдаудан бас тартқан дәрігер депутат атанды
Новости / Новости Казахстана
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.
